གཙོ་ངོས། >> སེང་རྡོར་བྲིས་རྩོམ།

གཞས་མ་འོ་བཞུགས་སྐྱིད་ཀྱི<<བསམ་དོན་འགྲུབ་གླུ>>ཞེས་པར་གསན་རྗེས།

སེང་རྡོར།

ཡུལ་དེའི་དགུན་ཁ་ཡུལ་དེའི་དབྱར་ཁ་ཟེར། །

ཡུལ་དེའི་ཚ་བ་ཡུལ་དེའི་གྲང་བ་ཟེར། །

ཁྱེད་རང་འདི་ལྟར་ལེན་པ་ཁོ་བོས་གསན། །

སེམས་ཀྱི་ཅི་ཞིག་དག་པའི་ཞིང་དུ་སྤར། །

ཚུར་ལ་འཁོར་དང་ཁ་འབྲས་ཚི་གུ་ཨེ། །

ཕར་ལ་སྤོས་དང་རྒྱབ་གཟུགས་ཕྲ་མོ་ཨེ། །

ཆུ་ལ་བཞུར་བའི་སེམས་ཅན་རྣ་བ་ལ། །

ཆུ་ཡི་འོད་ཀྱིས་ལམ་ལམ་སིམ་པར་ཤོག །

ནམ་མཁའི་བྱེའུ་རྣམས་ནི་འཕུར་མཚམས་ཞོག །

ནགས་ཀྱི་ལོ་འདབ་ཁྱེད་ཅག་ཁ་རོག་སྡོད། །

འཁོར་བའི་སྒྲ་དབྱངས་དངོས་སུ་འདི་ན་སྟེ། །

ལྡབ་ལྡིབ་གཞན་དག་ལམ་ཙམ་བསྐྱུང་བར་ཞུ།

ཁྱེད་ཀྱིས་ཕ་མ་སེམས་ཅན་ཟེར་ཞིང་འོང་། །

ཕ་མ་རིགས་དྲུག་སེམས་ཅན་ཟེར་ཞིང་འོང་། །

འདི་ལྟར་འགུག་གམ་པེ་ཏ་མགོན་སྐྱིད་ལ། །

ད་དུང་ལེན་ནམ་མ་སྐྱེས་ཨ་མ་ལ། །

སྐད་འདིས་ཁོ་བོ་གཉིད་དུ་མི་སྟེར་ཞིང་། །

ལྷག་ཏུ་ཁྱོད་རང་བརྗེད་པར་མི་བྱེད་དེ། །

འཇིག་རྟེན་སྣང་བ་ཨ་ཅང་དགོད་བྲོ་རེད། །

དེ་ལ་དགོངས་པ་སྐོར་ཤོག་གླུ་མ་ཀྱེ། །

2010-2-16

ཡོང་ཁུངས།[ངེད་དྲ་བ།] [2010-2-16] ཀློག་གྲངས།[752] འབྲུ་ཚད། [ཆེ།] [འབྲིང་།] [ཆུང་།]

དཔྱད་བརྗོད།