ཇོ་མོ་ཚོ།   ཞབས་བྲོ་འཁྲབ་རོགས། སྐྲ་ལོ་བཅད་ཟིན་ནའང་། ལྭ་བ་བརྗེ་ཡོད་ཀྱང་། ཞབས་བྲོ་དག་རྩེད་ཤེས་ན། སྒྱུ་རྩལ་ལ་དུངས་པ་ཡོད་ན། མུ་མཐུད་དུ་འཁྲབ་ཆོག སྐྲ་ལོ་ཞིག་གི་རིང་ཐུང་དང་། རས་གོས་ཤིག་གི་ཕྱི་ནང་གི་ཁ་དོག་ཙམ་གྱིས། ཅིས་གོ་ཆོད།  

         

        བོད་པ་ལགས་ན་རེ།   ཟི་ལིང་གི་ཡོན་ཏན་པ་འགའ་ལ་དགོད་རྒྱུ་ཡོང་གི་ཞེས་པའི་ཟིན་བྲིས་ལ་བལྟས་རྗེས་ཀྱི་འཆར་སྣང་། སྐུ་ཞབས་སྒོ་ཡོན་ལགས།ཁྱོད་ཀྱིས་ཟི་ལིང་གི་མཁས་པ་གང་མང་ཞིག་གི་བླ་བཙག་ཡོད་པར་བལྟས་ན།ཁྱེད་ཉིད་ནི་དེ་དག་ལས་ལྷག་པའི་ཡོན་ཏན་པ་ཡ་མཚན་པོ་ཞིག་སྟེ།འཇིག་རྟེན་ན་རྙེད་དཀའ་བ།གྲངས་ཉུང་བ།ནམ་མཁའི་ཉི་ཟླ་ལྟ་བུ་ཞིག་ཡིན་ཤས་ཆེ།ཁྱེད་གང་དུ་བཞུགས།ཁྱེད་གང་དུ་འཚོ།ང་ནི་འཇིག་རྟེན་འདིར་སྐྱེས་ནས་མི་ལོ་སུམ་ཅུ་ལྷག་ལས་མ་སོང་བའི་བོད་པ་ཞིག་ཡིན་མོད།ཁྱེད་ལྟ་བུ་མཁས་བའི་དབང་བོ་ཀུན་གྱིས་གཙུག་གི་ནོར་བུ་ལྟ་བུ་ཞིག་དང་མཇལ་མ་ཐུབ་པ་ནི་སྐྱོ་ཤས་རབ་ཏུ་ཆེ། དེས་ན་ཁྱེད་ཀྱིས་ཟི་ལང་གི་མཁས་པ་ལྟ་བུའི་གསུང་བཤད་གལ་ཆེན་ས་ཆ་གང་དུ་གནང་མྱོང་ཞིང་།ས་ཆ་གང་དུ་བརྗོད་ནས་བོད་མི་རིགས་ཀྱི་སེམས་སུ་ཀྲོང་ངེར་བཞེངས་ཡོད།ངས་ད་དུང་མ་ཚོར་དོན་ཅི།། སྒོ་ཡོན་ལགས།ཁྱོད་ལ་དགོད་རྒྱུ་ཡོང་གིཁྱོད་འདྲ་བའི་བླུན་རྒན་ཤིག་འཇིག་རྟེན་འདིར་འཚོལ་དཀའ།གཞན་གྱི་སྐྱོན་འཛོལ་ཤེས་པ་དེ་རང་གི་ཡོན་ཏན་མིན།ཧ་ཧརང་སྐྱོན་བཙལ་ན་མཁས་པ་ཡིན།། སྒོ་ཡོན་ལགས།ཁྱོད་ལ་བཤད་རྒྱུ་མ་མང་།ཁྱོད་ལྟ་བུ་བོད་ཡུལ་ན་མང་བས་མེད་ཀྱང་ཆོག་ལ།རྒན་བཀྲ་བྷོ་ལྟ་བུ་བོད་ཡུལ་ན་ཉུང་བའི་རྐྱེན་གྱིས་མི་མང་འདུས་སར་སྐད་ཆ་ཐབས་མཁས་དེ་འདྲ་བརྗོད་དགོས་པ་མ་ཤེས་སམ།གལ་ཏེ་ཁོང་གིས་ཀྱང་ཁྱོད་ལྟར་སྨྱོ་བཤད་གཟའ་བཤད་མང་པོ་བྱས་ཚེ།བོད་ཀྱི་སློབ་གྲྭ་ཆེན་མོ་བ་དག་སུ་ཡི་རྗེས་སུ་འགྲོ།   སྔོན་ཆད་ཀྱི་གྲོགས་པོ་ལགས་ན་རེ། ཁྱེད་རང་ཁྲི་འདུ་ནས་བཙོན་དུ་ལྷུང་ཚུལ་ཐོས་ཡོད་ལ།ཁྲན་ཞོ་རུ་ཞུགས་ཡོད་ཚུལ་ཀྱང་ཐོས་ཡོད་རུང་།སྤྱི་ཚོགས་ལ་གཏོར་བཤུགས་འདི་འདྲ་བྱེད་ཀྱིན་པ་དེ་རིང་ལས་མ་ཐོས།སྔོན་ཆད་ཀྱི་གྲོགས་པོ་ཞིག་གིས་ཡིད་སྐྱོ་བའི་ངང་།   ཁྱབ་བརྡལ་ལགས་ན་རེ། སྒོ་ཡོན་ནི་མཁན་ཆེན་ཚུལ་ཁྲིམས་བློ་གྲོས་ཀྱི་ཚ་བོ་ཞིག་ཡིན་པ་་འདྲ།སྒོ་ཡོན་ཞེས་པ་ནི་རང་ཚོད་མི་ཤེས་པའི་གྲྭ་བ་ཞིག་རེད།དེ་བས་ཁོ་འདིར་གསལ་བཤད་བྱས་མེད།    ཁ་བ་ལགས་ན་རེ། སྐོ་ཡོན་ལའང་དགོད་རྒྱུ་ཡོང་གི མིག་གིས་མདུན་ལ་བལྟས་ཏེ་གོམ་པ་སྤོ་རྒྱུ་གལ།   མིང་མེད་ལགས་ན་རེ། སྒོ་ཡོན་ལགས་ཀྱི་མིག་ལ་སྐྱོན་ཡོད་པ་འདྲ།ཚིག་གི་དུམ་བུ་བཅད་ནས་དགག་བཞག་གནང་བ་ནི་ཐ་ཤལ་བའི་བྱ་སྤྱོད་ལགས།རྒན་བཀྲ་བྷོ་ཞེས་པ་གོ་མྱོང་ལ་སྒོ་ཡོན་ཞེས་པ་གོ་མྱོང་མེད།   མིང་མེད་ལགས་ན་རེ། རང་ཉིད་ལ་ཡོན་ཏན་བྱི་བྲུན་ཙམ་ཡང་མེད་བཞིན་དུ་ཡ་གི་མི་ཉན་མ་གི་མི་འགྲིག་ཟེར་བ་དོན་དངོས་སུ་རང་ཉིད་ལ་ཐོབ་བྱ་དེ་དག་གང་ཡང་ལག་ཏུ་ལེན་པའི་ནུས་པ་མེད་གཞན་ལ་སྡང་བ་འབའ་ཞིག་ཏུ་ཟད་དོ།།སྒོ་ཕྲུག ཁྱོད་སྙིང་མ་རྗེ།ལོ་འཁོར་འགའ་ཞིག་གི་རྗེས་ནས་རང་གི་བྱ་སྤྱོད་ལ་ངོ་ཚ་རྒྱུ་ཞིག་ཡོང་ངེས་ཡིན།རང་གི་བྱང་ཚད་དང་མི་འཚམ་པའི་གླེན་པ་ང་རྒྱལ་ཅན་ཚོ་ནམ་ཡང་འཇིག་རྟེན་ན་སྔོ་ལོ་འཕྱར་གྱིན་ཡོད་པ་རེད།ཀྱེ་མ་ཀྱེ་ཧུད།སྒོ་ཡོན་ཟེར་བ་དེ་མི་ལ་ལས་རླབས་ཆེན་གྱི་མཁས་པ་ཞིག་ཡིན་པར་སེམས་གྱི་ཡོད་ཤས་ཆེ།ཁོ་ནི་གླེན་དྲགས་ནས་རང་ཉིད་འུད་བསྟོད་འབའ་ཞིག་བྱེད་མཁན་གྱི་ཅོལ་ཆུང་ཞིག་ཡིན།ཚང་མས་་སྒོ་ཡོན་ཟེར་བ་དེ་སྒོ་ཤེས་་རབ་ལྟ་བུའི་སྐྱེས་མཆོག་ཅིག་རེད་མ་་འདོད་ཅིག ནོར་བ་ཡིན་ནོ།།   མིང་མེད་ལགས་ན་རེ། སྒོ་ཡོན་ལགས། སློབ་སྦྱོང་ལ་རེམ་ཤིག ཁྱོད་ད་རུང་སྐས་ཚིགས་གསུམ་གྱི་འོག་མར་འདུག   སྒྱིད་ལུགས་པའི་གཉེན་པོ་ལགས་ན་རེ། སྤྲུལ་སྐུ་མ་ཡིན་པ་ཚོས་་སྤྲུལ་སྐུ་ལ་སྡང་ཞིང་།མཁན་པོ་མ་ཡིན་པ་ཚོ་མཁན་པོ་ལ་གནག་སྟེ།གཞན་གྱི་དཔལ་ཕྲག་དོག་གི་ཟུག་རྔུས་འོ་དོད་འབོད་པ་ཙམ་དུ་ཟད་དོ།།   རྨ་གཉེན་པོ་ལགས་ན་རེ། སྒོ་ཡོན་ཟེར་བ་ཁྱོད་ནུབ་བྱང་ཚང་གི་གཅིན་སྐྱག་ལྡག་ནེ་ཡོང་ནས་གྲ་བ་ཞིག་དམར་ཟེད་ཟེད་རྒྱུགས་རྒྱུ་མང་ན་མི་མཛའ་ཀི ཆོས་ལུགས་ལ་ངན་སྨྲས་བྱེད་པའི་སྤྱང་གི་ཁྱོད་ཀྱི་ནབ་ཟ་དེ་ཕུད་ན་དགའ་ས་རེད།       མིང་མེད་ལགས་ན་རེ། རང་ལ་བདེན་ཁ་འཚོལ་བ་དང་ནམ་ཡང་ཕྱི་རྐྱེན་ཁོ་ན་གླེང་བར་དགའ་བ་ནི་དང་རབས་བསམ་བློ་པར་རློམ་པ་ཚོའི་མཚན་ཉིད་རེད། ཡུལ་ཤུལ་པ་ལགས་ན་རེ། སྒོ་ཡོན་ལགས།  དངོས་གནས་བསམ་སྤྱོད་མཐུན་པའི་མི་ཞིག་བྱེད་རོགས།  གྲྭ་ལྭ་འཕུད་རོགས།  གྲྭ་ལྭས་ཁྱོད་ལ་ཕན་ཐོགས་ས་མ་རེད།         མིང་མེད་ལགས་ན་རེ། བོད་ཆེན་པོའི་དབུས་སུ་གནས་པའི་ཧི་ཟིན་དྲྭ་ཚིགས་ཀྱི་བྱང་གི་ཆ།རང་ཤག་དྲྭ་འབུ་འཕུར་བའི་ལྡིང་ཁང་ཟེར་ན་ཅི་ཡང་གོ་རྒྱུ་མི་འདུགཁྱོད་བསྡད་ཡོད་ས་དེ་བོད་ཆེན་པོའི་དབུས་སུ་གནས་པའི་ཧི་ཟིན་དྲྭ་ཚིགས་ཀྱི་བྱང་གི་ཆ་ཇི་ལྟར་ཡིན་ནི་རེད།ལན་ཞིག་ཐོབས་དང་།ཧ་ཧ་ཧ།   མིང་མེད་ལགས་ན་རེ། གྲོགས་པོ་སྒོ་ཡོན་ལགས། ཁྱོད་ཀྱི་གཟན་ཤམ་དེ་ཕུད་རོགས་གནང་།དེ་ཡིན་ན། ཁྱོད་མིང་དོན་མཚུངས་པའི་མི་ཞིག་རེད། སྒོ་ཡོན་ནི་བླ་རུང་ལ་ལོ་མང་ཞིག་འདུག་མྱོང་།ཚད་མ་དང་མངོན་པ་སོགས་སྦྱང་མྱོང་ཡོད།ཁོ་དཔེ་ཆ་ཤེས་མི་ཞིག་མིན་།   མིང་མེད་ལགས་ན་རེ། སྒོ་ཡོན་གྱིས་འདི་བརྐུས་པ་རེད།འདི་ར་ས་ཕོ་ཉའི་དུས་བབ་ཟིན་བྲིས་ལས་རེད།ཡིན་ནའང་ཁོང་གི་མིང་བཀོད་མེད་པ་ལ་ལྟོས། དོན་དུ་ཁོ་རང་གིས་བརྐུས་པ་རེད། http://www.sangdhor.com/list_c.asp?id=1218 གསར་འགོད་པ་ཡིན་ན་ཁུངས་བཤད་དགོས་ནི་རེད།   མིང་མེད་ལགས་ན་རེ། ཅང་གོ་རྒྱུ་མི་འདུགཁ་རང་གར་བཟུང་ན་དགའ་ས་རེད།ངག་རིག་སྨྲ་བའི་དབང་པོ་ཟེར་བ་འདི་འདྲ་ཞིག་ཡོད་རྒྱུ་མ་རེད།རང་མཐོང་ཆེ་བ་རང་རེད།ཨ་མ་མ་གཏོགས་མི་ངོ་མ་རིགསྒྱེད་པུ་མ་གཏོགས་རྒྱལ་ཁམས་མ་མཐོང་བ་དག་གིས་ལབ་རྒྱག་གི་འདུག་ནི་རེད།   དྲ་ཉུལ་བ་ལགས་ན་རེ། སྒོ་ཡོན་ལགས་ལ་ཞུ་རྒྱུ།རང་གིས་ལུས་ལ་དཔེ་ལོངས་ལ།།གཞན་ལ་གནོད་པ་མ་བྱེད་ཅིག།   མིང་མེད་ལགས་ན་རེ། ཁྲན་ཞོ་བ་སྒོ་ཡོན་ལགས། ཁྲན་ཞོ་བ་སྒོ་ཡོན་ལགས། ཁྲན་ཞོ་བ་སྒོ་ཡོན་ལགས། ཁམས་ དུང་སྨུག་ལགས་ན་རེ། སྒོ་ཡོན་ཆོས་ཅན། སྨྱོས་ཚར་ཏེ། སྨྱོ་གཏམ་ལབ་ཀྱིན་ཡོད་པའི་ཕྱིར།   གོང་གི་དེ་དག་ནི་བོད་ཡིག་དྲ་ལམ་གསེབ་ཀྱི་དྲ་འབུ་ཡ་རབས་དག་གིས་ཁོ་བོའི་བྲིས་རྩོམ་དག་གི་མཇུག་ཏུ་ཕབ་པའི་ཞབས་རྗེས་དྲོན་མོ་འགའ་ལས་ཕྱོགས་ཙམ་ཡིན་ལ། འདི་དག་གིས་མཚོན་ནས་ད་དུང་ཁ་རུ་ཤོང་དཀའ་ཞིང་ཚིག་གིས་མཚོན་དུ་མི་བཏུབ་པའི་གསུང་ཚིག་ཡ་མཚན་པ་གང་མང་གནང་འདུག་ཀྱང་འདི་ཙམ་ལས་དྲང་ཚོད་མ་བྱུང་ཐལ།    འདིར་ཟུར་དུ་འགོད་འདོད་པ་ཞིག་ནི། སྔོན་ཞིག་ལ་ཁོ་བོས་ཁོང་རྣམ་པར་སྐད་ཆ་ལྡོག་ལྡོག་འགའ་བཤད་མྱོང་ཡོད་པ་ཡིན་ལ། དེ་ནི་འདི་ལྟ་སྟེ།      བདག་གི་བྲིས་རྩོམ་དག་དང་ཉེ་མ་རིང་དུ་གནས་པའི་བོད་མི་ཡིག་ཀློག་པ་དག་ལ།མངོན་ལྐོག་མེད་པར་ཕེབས་བསུ་སྟབས་བདེ་དང་ཁམས་འདྲི་འཇམ་པོ་ཞུ་ཀི་ཡིན་པ་མ་ཟད།རང་གདོང་དམར་བོ་དང་རང་མིང་དངོས་མ་སྟོན་སྲོལ་མེད་ལ་བསྟན་ཕོད་ཀྱི་དཔའ་སྤོབས་ཀྱང་ཀུན་ནས་མེད་པའི་དྲ་འབུ་ནག་ནུར་རྣམས་ལ་ཡང་།གད་མོའི་དམའ་ཚིག་མེད་པར་སྐུ་མགྲོན་གསར་བ་ཞིག་གི་ཚུལ་གྱིས་བསུ་མ་དང་སྣེ་ལེན་གྱང་སེམས་མཐིལ་ནས་ཞུ་ཀི་ཡོད།   དེ་ལྟ་ན་ཡང་།འུ་ཅག་དྲ་མྱུལ་བ་སུ་ཞིག་ཡིན་ཡང་ཆེས་སེམས་ངོགས་སུ་དམ་དུ་གནས་དགོས་པ་ནི་དྲ་བདག་དྲིན་ཆེན་དག་གིས་མི་རིགས་ཀྱི་འདས་མ་ད་གསུམ་ལ་དམིགས་ཏེ་བོད་ཡིག་རང་བཞིན་གྱི་དྲ་ཚིགས་འདི་དག་ཁྱབ་རྒྱུན་གཏོང་དོན་ནི།འུ་བུ་ཅག་གིས་བརྡ་འཕྲིན་གྱི་དུས་རླབས་འདི་དང་འགྲོགས་ནས་རང་ཡིག་དར་སྤྲེལ་དང་རང་ཉིད་ཀྱི་བསམ་བློ་རྒྱ་བསྐྱེད་དང་ཀུན་སྤྱོད་ལེགས་ཕྱོགས་སུ་འགྲོ་ཐབས་སོགས་ལ་དམིགས་ཏེ་ཕྱི་ནང་གི་དཀའ་ངལ་བརྒྱ་ཕྲག་ལ་མ་འཛེམས་པར་གང་ནུས་ཀྱིས་འཛིན་སྐྱོང་བྱེད་ཀྱིན་ཡོད་པ་ལས།འདི་དག་ནི་སྒེར་གྱི་གྱོད་ར་དང་སྲིད་ཀྱི་འཐབ་ར།ཁྱིམ་གྱི་འདབས་ར་སོགས་གང་གི་ཚུལ་དུ་ཡང་བསྐྲུན་པ་མ་ཡིན་ལ།འདི་ནས་ཕྲག་དོག་གི་གཉེར་མ་གང་མང་ཞིག་བརྩད་ན་འདོད་ཅིང་།འདི་ནས་སྡིགས་དམོད་ཀྱི་གཡུལ་འཐབ་ཅི་ནུས་ཤིག་བརྒྱབ་ན་སྙམ་པ་ནི་དེ་བས་ཀྱང་མ་ཡིན་ཕྱིར།   བོད་རུས་ཅན་གྱི་ན་གཞོན་གང་ཡོད་ཀྱི་མགོ་ལ་ལྐོག་ལྐོག་སུད་སུད་ནས་རྡོག་བརྫིས་གཏོང་བའི་འདི་བ་ཚང་གི་གླ་བ་དང་བླ་དཔོན་རིན་པོ་ཆེ་དག་གི་ཞབས་ཞུ་དྲོན་མོ་ཞུ་མཁན་ཚོས་རང་རང་གི་ལས་ཁུངས་དང་འཁྲབ་སྟེགས་སུ་བརློམས་ནས་གཞན་གྱི་གཙང་ཡངས་ཀྱི་རིན་ཐང་ཐལ་ནང་དུ་འཕེན་མི་ཆོག་ཅེས་ཐ་ཚིག་བསྒྲགས་པ་ཡིན་ལ།གལ་ཏེ་ངེས་པར་དུ་རྩ་དོན་གལ་ཆེན་དང་ཚིག་གྱོད་ཡ་མཚན་སློང་བར་མོས་ན་རང་གདོང་དམར་བོ་ཕྱི་ལ་ཕུད་དེ་མི་ཞིག་གི་ཚུལ་གྱིས་ཕེབས་དང་།ད་གཟོད་རང་ཚོད་ཀྱི་དངོས་པོ་རྒྱ་མར་གཞལ་ཆོག་པ་ལས།དྲ་བདག་རྣམ་པའི་དུས་ཚོད་དང་དཀའ་དངུལ་ཙམ་གྱི་ལངས་ཕྱོགས་ཀྱང་ཁོག་ལ་མི་ཐོགས་པར་རྐུན་མའི་ཚུལ་དང་ཇག་པའི་བཟོ་དབྱིབས་ཀྱིས་བོད་ཀྱི་ཡིག་ཐོག་ལ་གོམས་རྗེས་སྤོ་བ་དང་ངུ་འབོད་བྱེད་པ་ནི་ཁྱོན་ནས་མི་འགྲིག་ཅིང་མི་ཆོག་པ་ཞིག་རེད།   དེའི་དབང་གིས་བོད་ཡིག་དྲ་ཀློག་པ་སུ་ཡིན་ཡང་རང་གི་ཚད་དང་རང་རིགས་ཀྱི་ཚད།རང་ཚང་གི་བླ་ཚེའི་ཚད་སོགས་ནི་ནམ་དུ་ཡང་ཤར་གནས་སུ་བསྐོར་མི་ཆོག་ལ་དོང་ནང་དུ་འཕེན་མི་རུང་བ་སོགས་རུས་གཏིང་ནས་ཤེས་དགོས་སོ་སྙམ་མོ།། སྒོྒོ་ཡོན་གྱིས།    

           

       ཤེས་རིག་གི་ཕོ་ཉ།                     ཚིག ཅོ་ནེ་པ།         དབྱངས། གསང་བདག         གཞས་པ། མཚོ་སྔོན་བརྙན་འཕྲིན་ཁང་གི་ལས་བྱེད་མི་སྣ་འགའ། 1བརྩེ་བ་ཟབ་མོ་དར་གྱི་ཁ་བཏགས་ཡིན།། རྨ་རྒྱལ་སྦོམ་རའི་མགུལ་ནས་ཁྱེད་ལ་སྒྲོན།། དུངས་པ་ལྷད་མེད་སེམས་ཀྱི་མཆོད་པ་ཡིན།། ཁྲི་ཤོར་རྒྱལ་མོའི་འགྲམ་ནས་ཁྱེད་ལ་ཕུལ།། རྫུ་འཕྲུལ་གྱི་སྤྱན་ལམ། ཤེས་རིག་གི་ཕོ་ཉ། བར་སྣང་འཁོར་སྐར་གྱི་ལམ་ནས། བརྙན་འཕྲིན་ཡོལ་རས་ཀྱི་ངོས་ནས། མཐིང་སྨུག་སྦྲ་ཆུང་དགོད་སྒྲ་ཡིས་བསྐྱིལ་ཅིང་། ཁང་ཆུང་གྲུ་བཞི་སྤྲོ་སྐྱིད་ལ་འགོད་མཁན། མཚོ་སྔོན་བོད་སྐད་བརྙན་འཕྲིན་ཏེ། སྒང་བ་བོད་པའི་ཤེས་རིག་གི་ཕོ་ཉ་ལགས། 2ལྷག་བསམ་ཟོལ་མེད་དྭངས་གཙང་ཆབ་རྒྱུན་ཡིན།། རྨ་འབྲི་རྫ་གསུམ་ཁུངས་ནས་ཁྱེད་ལ་འདྲེན།། རྡོག་རྩ་གཅིག་སྒྲིལ་རེ་བའི་འདུན་མ་ཡིན།། མཐུན་སྒྲིལ་དཔུང་རྡང་ཁྱེད་དང་ནམ་ཡང་སྦྲེལ།། རྫུ་འཕྲུལ་གྱི་སྤྱན་ལམ། ཤེས་རིག་གི་ཕོ་ཉ། བར་སྣང་འཁོར་སྐར་གྱི་ལམ་ནས། བརྙན་འཕྲིན་ཡོལ་རས་ཀྱི་ངོས་ནས། ཤེས་རིག་འོད་ཀྱི་ས་བོན་ཕྱོགས་སུ་གཏོར་ཞིང་། རྨད་བྱུང་ལས་ཀྱི་བྱ་བཞག་རྟག་ཏུ་སྤེལ་མཁན། མཚོ་སྔོན་བོད་སྐད་བརྙན་འཕྲིན་ཏེ། སྒང་བ་བོད་པའི་ཤེས་རིག་གི་ཕོ་ཉ་ལགས།